اعزائى الاعضاء ارجو الا تفهمونى غلط
عندما اقصد حسني لم اقصد حسني (اللي في بالكو مش تيمو لاء ) انا اقصد حسني عبد ربه لاعب منتخب مصر عندما حاول الانتقال من احد الانديه الى نادي اخر في الدوري المصري فهتفت له الجماهير
دلع عيني دلع...حسني عملها وخلع
و لكن
حسني عبد ربه خلع و ترك نادي واحد فما بالك عندما يتركنا حسني اخر بس ده ؟!! هيترك 80 مليون ماذا سوف نفعل؟
ازمه اقتصاديه و ديون لاكبر البنوك في العالم
وزاره التربيه والتعليم .... يا زنقني وجنبك فاضي
التعليم العالي .... كليتك مش بالمجموع .. كليتك بلون البوكسر الخاص بك
التأمين الصحي والمعاشات .... جرحوني و قفلوا الاجزخانات
رغيف العيش ...... ابو مسامير هو الاصل..كلّ و اشكر
الثروات الطبيعيه .... نصدر الغاز الطبيعي لاسرائيل .. مقابل المخدرات
مائه الف شاب ... مدمن
قناة السويس ......... حسره عليها يا حسره عليها
نهرعاشت على ضفافه حضارات.....يجف؟؟
نزرع .. ونقلع .. ولا نأكل
احزاب سياسيه.......زحمه .. يا دنيا .. زحمه
امسك حرامي .... فين اللحمه هي غليت ولا اكلوها
زياده فرص العمل في شركه ... مرتاحه للسفر و السياحه
الفساد ......... في اروع صوره
رضينا .. بالفول .. و الفول .. مش راضي بينا
العلاقات مع الدول العربيه ... اخويا هايص وانا لايص
العلاقات مع الدول الاوروبيه .. لله يا محسنين
امريكا .. مش هقدر اقول حاجه علشان .... المعونه هتتقطع
العلاقه مع الصين علاقه مميزه لاننا نستورد منهم .. فانوس رمضان اللي بيغني لهيفاء وهبي
اسرائيل ....... القدس عربيه فلسطينيه رغم انفك وانف حسني
اعزائي الكرام .. ماذا نحن فاعلين ؟
استحلفكم بالله ان تختاروا من هو احق و من هو يسطيع حل هذه المشاكل انتخبوا بالمنطق والعقل ليس بالشهره كما ذكرت سابقا ..... انتخبوا الافضل حتى لو كان .. حسني
موضوع: دلع .. عيني .. دلع ...... ( حسني ) عملها وخلع 
السبت يوليو 24, 2010 6:04 pm
