انت اية ... جوده يتحدث

بصراحة

انا الفكرة كانت فى بالى من زمان بس مكنتش عارف اوصلهلكم ازاى

بما اننا فى بيت واحد وقريبين من بعض بس فى موضوعات احنا بنشوفها وبتعجبنا

الفكرة يا جماعة

ان كل واحد يكتب عن نفسة اية اللى بيحبة

اللى بيكرة

اللى نفسة يعملة

امنية حلمت بيها واتحققت

شخصيتك اتكلم عنها

حياتك فيها حاجة عايش ليها

اتكلم عن حبك شكلة عامل ازاى اوصفة زى ما انت شايفة

من الاخر كدة يعنى

انت اية؟

مثلا عنى انا هبداء بالكلام عن نفسى

ولو حد شايف راى تانى يقول غلطان فى حاجة او شايف نصيحة ممكن يعبر عنها وكلنا نستفيد

وانا هبداء بحكايتى

مشكلتى انى بحب انسانة جميلة جدا ورقيقة اوى ممكن متكونش جميلة فى نظر الناس بس انا شايفهااجمل واحدة شافتها عنيا ومش هتشوف غيرها

المشكلة انها عارفة انى بحبها لانى صرحتها بحبى واللى جوايا

بس الرد كان قاسى اوى

قالتلى انها بتحب واحد تانى وانها بتعتبرنى صديق

عارفين يا جماعة

اللى بتحبة دة مش بيحبها ولا بيفكر فيهاوهى متمسكة بية وعاوزة تعرف اية نهاية حكاية معاها

انا قولتلها صارحية بحبك وفعلا كان الرد انة مش بيفكر فية

بس انا لسة بفكر فيها

اعمل اية؟